ما هو الدرس اللذي اركز عليه في الرياضيات

سلام عليكم و رحمة الله و بركاته كيف حالكم باكالوريوس الجزائر موضوعنا هو مادة الرياضيات ما هي الدروس اللتي سيتم تدريسها الخ : اولا تقريبا العام كانل راح تقراو غير على الدوال و في الباكالوريا راح يجي تمرين عليه 7 نقاط و ما أدراك ما 7 نقاط في كلتا الموضوعين يعني الدوال من اهم الدروس في الباكالوريا اول حاجة راح تبداو بيها هي الاستمرارية و الاشتقاقية و النهايات الخ و راني وجدتلكم بعض التمارين المحلولة مقترحة من عند الوزارة و البعض الاخر قمت باقتباسه سأقوم بنشرها عن قريب ان شاء الله ثانيا تقراو الدوال الأسية و اللغارتمية و خواصهما و النهايات الشهيرة تعهم باه تقدرو تزيلو حالات عدم التعيين يعني نصيحة من عندي ركزو على الخواص تعهم هوما اهم شيء و اي تمرين راح يجي الركيزة تاعو ولا الحل تاعو يكون باستخدام الخوال راح نحطلكم الدروس مع التمارين تعهم من بعد ان شاء الله راهم ساهلين بزااف اللي يحب يقراهم كذلك راح تقراو على المعادلات التفاضلية من الدرجة الأولى  بعد ذلك راح تدخلو في وحدات اخرى مثل الاحتمالات و المتتاليات الاعداد المركبة ، المهم في اخر السنة راح تزيدو تقراو المعادلات التفاضلية من الدرجة الثانية ترجعو للدوال و تقراو درس الدوال الأصلية راح يجي عليها 2 اسئلة ولا 3 في اخر تمرين الدوال الموجود بالباكالوريا هاد الدوال الاصلية كشغل عكس الاشتقاقية يعطيك دالة مشتقة و يقلك اعطيني الدالة الاصلية (التكامل) ديالها و هادي يستعمل ها بزاف في حساب المساحات و اخيرا ويلا لحقتو راح تقراو اروع وحدة و اسهلهم واللي هي الهندسة في الفضاء اللي كانت في السنوات الماضية هي الوحدة الثانية و درك استبدلوها  بوحدة الاحتمالات لأهمية هته الوحدة و لتغيير روتين دروس الباكالوريا

____________________________________

موضوع عن النهايات قد يهمك :

تعرفو بلي فالباك فالنهايات يمدوللك 0.25 على للنتيجة فقط والطريقة ماتهمش ماتدي عليهل والو .... حبيت نمدلكم طريقة تخليكم تلقاو النهاية عند +∞ ولا -∞ بالآلة الحاسبة .... مثلا كي يقولك احسب النهاية عند +∞ احكمو الدالة تاعكم وعوضو بعدد كبير مثلا 999999999واحسبو الصورة تاعو نورمال تسما عوضو في الدالة واستخدمو الآلة الحاسبة بش ماتغلطوش شتو القيمة لي تخرجلكم ديرولها التدوير تلقاو للنهاية

نمد مثال

Lim (x+1)/x

x→+∞

كون تعوض نورمال تخرجلك ∞\∞ حالة عدم تعيين هنا نهزو 9999999999 ونعوضوه فالدالة تخرج النتيجة 1.0000000001 كي نديرولها التدوير تولي 1 ومنه 1 هي النهاية

وبنفس الشي بالنسبة ل -∞ بصح التعويض يكون بعدد صغير مثلا

-999999999

ادا استفدتو انشروها وماتنساوش دعوة الخير  

نصل الأن لنهاية موضوعنا لنهار اليوم نتمنى نكون افدتكم اتهلاو في رواحتيكم سلاام

_____________________________________

مواضيع قد تعجبك :

-كيف احقق علامة ممتازة في جميع المواد اضغط هنا

-4 تمارين أجنبية مع الحل في الدوال اضغط هنا 

-ما هي التغييرات اللتي طرأت على منهاج الشريعة اضغط هنا

_____________________________________

لا تنسو متابعة صفحاتنا على مواقع التواصل الاجتماعي 

Www.instagram.com/Bac_With_Yacine 

Www.facebook.com/BacWithYacine 

Www.twitter.com/BacWithYacine