نصيحتي لكم لسنة الباكالوريا
السلام عليكم 😄 خاوتي خياتي معاكم اخوكم ياسين طالب جامعي✌🏻👌🏻 عندي نصيحه ليكم ان شاء الله تاخذوها بعين الاعتبار🙌🏼... نبداو... اولا الباكالوريا هو امتحان فاصل بين مرحلة الثانويه و المرحلة الجامعية و هو امتحان كباقي الامتحانات يتقوم فيه الانسان بدون مراقبه عامه او ملاحظه السلوك اي كل واحد و شطارتو,,, الباك هذا والله من اسهل الامتحانات و هو بمعنى آخر عام واحد يخدم علا حياتك كامل لازمنا نتعبو في هاد العام على الاقل نفرحو والدينا ايلا مفرحناش حنا اتفكر برك باباك كي يروح الصباح فالبرد و النو و الرعد غير باه يخدم و يأمنلك المأكل و الملبس الأب تاعك راح يكبر في يوم من الايام و راح يمرض و شكون اللي رايح يوقف بيه ؟ ولادو طبعا ويلا كنت مديتش الباك و مقريتش الجامعة و متخدمش منين راح تداويه ولا تصرف عليه! ولا تبقا عازم عليه طول حياتك صحا راك بطلت لقرايا و رحت للشارع تخدم... راح تتمرمد حياتك كامل هكا ؟؟ خير من كون واك في مكتب معزز مكرم يضربو بيك المثل وليد فلان و وليد فلان.... و زيد فوق هذا تتقاضى راتب ما شاء الله تاكل و توكل هذا عام واحد برك قادر يردك عليش كي السلطان بعد سنين و قادر يردك شاد الحيط لا خدمه لا وتلو حاصل في عمرك..... شويا تعب شويا دعاوي الوالدين و نتا ربحت الباك و فرحت و فرحت والديك وربحت دعاوي الخير و ربحت مستقبلك و فرحت اهلك و رفعت راس والديك و نتا معلابالكش... ايمالا خمم درك قبل ما يروح الوقت 📆
بالنسبه للي قرا و تعب ولا راح يقرا و راح يتعب و ياخذ راي والديه و ميعصيهمش و يصلي و يدعي ربي يوفقو و ميخافش من
الباك والله راح يلقاه اسهل من امتحانات الفصول و انا مسؤول على كلامي 😊
_________________________
تحفيز
رُبما تتأخر وظيفتـك ، رُبما يتأخر زوَاجـك ، ربُما يتأخر عِلاجك ولكن لن يتأخر أجرك وبقدر صبرك يأتي فرحك و دائماً تذكر “ إن مع العُسر يُسرا - التحفيز والنجاح
_________________________
عدم اليأس:
يعني إذا كان معدلك ضعيف 10 أو 11
متقولوش معندي واش ندير بيه لا فكرة أنو فالجامعة تخصص أحسن من تخصص هذه انسوها
لأنو لا يوجد شي أحسن من شيء كل التخصصات لها أهمية ولها مكانتها
ضع أمامك قائمة المجالات المتاحة أمامك
دقق جيدا النظر في اختصاص جذب نظرك ( الحب من أول نظرة)
لأنو الاقتناع بالتخصص من أهم العوامل المساعدة على النجاح
_________________________
كيف تكون تلميذ ايجابي :
برمج نفسك أن تكون ناجحاً في دراستك, تخيل أنك حصلت على أعلى تقدير.
برمج نفسك أنك ذكي لامع، تخيل نفسك كذلك.
قم بتصوير العبارة الإيجابية التي تناسبك أكثر من صورة .
الصق الصور في أماكن متكررة أمامك يوميا؛على إن تكون في موقع بارز من غرفتك , بجوار مكتبك , عند الباب،...
عود نفسك النظر إلى هذه العبارات يوميا.ً
سادساً: كرر العبارات في ذهنك كلما تذكرتها، وباستمرار.
الالتجاء إلى الله بالدعاء ربّ اشرح لي صدري ويسّر لي أمري ......
3 تعليقات
شكرا جزيلا
ردحذفشكرا ملغري نا ياست من الباك و عييت من لحفاضة بصح مزالني نخمم نفرح والديا و هدا شي يخليني كل يوم نعزم على النجاح مرسي
ردحذفكلامك صحيح اما مش كل ، الباك مش المحور تاع الحياة ، هي مجرد مرحلة فقط ، مش اي انسان لازم عليه يكون متميز وينجح في باك كل واحد وكفاه يعني تلميذ منجمش يوخذ الباك نردوه ضعيف ينجم يكون متميز في حاجة اخرى ولا في فضاء اوخر ، ينجم يخدم خدمة اخرى ويكون خير ماك العبد لي خذا باك وقرا في جامعة وبطبيعتو معندو ميربح ، فالخر الباك هي مرحلة يعيشها كل تلميذ ، وماهيش ضرورة باش توكل منها الخبز
ردحذف